3-mujori i parë pozitiv për Drejtorinë e Transportit – Të ardhurat rriten me 9%, mbi 469 mijë shërbime të kryera
Mbi 469 mijë shërbime janë kryer nga Drejtoria e Përgjithshme e Shërbimeve të Transportit Rrugor gjatë periudhës janar-mars 2019. Nga të dhënat e Drejtorisë, numri i tyre është rritur me 15% se krahasuar me të njëjtën periudhë të një viti më parë dhe numërohen mbi 64 mijë shërbime më shumë të ofruara në këtë tremujor. Sa i takon të ardhurave të realizuara për periudhën janar-mars, sipas DPSHTRR-së rezulton se ato janë në masën 455 651 000 lekë, duke regjistruar një rritje të ardhurash me 9% krahasuar me po të njëjtën periudhë të një viti më parë.
Ndërsa, lidhur me shërbimet më të përdorura gjatë kësaj periudhë, nga të dhënat statistikore rezulton se regjistrimi i mjeteve kryeson edhe listën me mbi 94 mijë regjistrime, ndjekur nga shërbimet e taksave dhe lejet e drejtimit.
Ndërkaq, lidhur me shërbimin më të ri të DPSHTRR mbi ndryshimin e pronësisë i cili ka nisur të zbatohet që nga data 1 mars 2019, të dhënat tregojnë se vetëm muajin e parë janë kryer 1378 ndryshime pronësie.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.