36.8 mln euro nga BERZH – Ndërtimi i hekurudhës Tiranë-Durrës nis këtë vit

Situata në sistemin hekurudhor në vend është aktualisht shumë e vështirë. Për të përmirësuar këtë sektor të transportit publik pritet të fillojë këtë vit projekti i  rehabilitimit të linjës hekurudhore Tiranë – Durrës dhe ndërtimi i linjës së re për në aeroportin e Rinasit.

Kjo pritet të ketë një ndikim në zhvillimin ekonomik të kësaj zonë. Komisioni parlamentar i Ekonomisë miratoi edhe ratifikimin e marrëveshjes së huas, ndërmjet Republikës së Shqipërisë dhe BERZH-it, për financimin e projektit.

Punimet për këtë linjë hekurudhore pritet të fillojnë nga muaji shtator i këtij viti dhe afatet për përfundimin e projektit janë rreth 3 vjet.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.