38.5 miliardë dollarë në 24 orë – Alibaba thyen përsëri rekord të shitjeve në ditën e beqarëve
Gjiganti kinez i shitjeve në rrjet, Alibaba, regjistroi shitje prej 38.4 miliardë dollarë në ditën e beqarëve, duke thyer rekordin për të 11-in vit radhazi. Konsumatorët në Kinë dhe në të gjithë botën blenë telefona, përfshirë iPhone, produkte kozmetike dhe veshje, ndërkohë që vetën në orën e parë të eventit, Alibaba gjeneroi 12 miliardë dollarë.
Kompania e theu nivelin rekord të vitit të kaluar prej 30.5 miliardë dollarë brenda 17 orëve. Megjithatë, norma e rritjes së shitjeve për të gjithë eventin 24-orësh në 26% nga viti i kaluar, është edhe më e ngadalta në historikun 11-vjeçar. Shitjet janë frenuar nga ngadalësimi i industrisë së tregtisë në rrjet në Kinë, në një kohë që rritja ekonomike po prek nivelet më të ulëta në dekada.
Alibaba e ktheu ditën e beqarëve në Kinë në një event të pazarit në vitin 2009 dhe e bëri festën më të madhe në botë të shitjeve në rrjet, duke eklipsuar të Hënën Kibernetike në Shtetet e Bashkuara, që gjeneroi vetëm 7.9 miliardë dollarë vitin e kaluar.
Që prej atëherë, eventi është replikuar brenda dhe jashtë vendit, ndërkohë që promocione për ditën e beqarëve janë parë edhe tek rivalë kinezë si JD.com dhe kompani të tjera në Korenë e Jugut dhe Singapor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.