4 në 5 serbë në veri të Kosovës varen drejtpërdrejt nga institucionet e Serbisë

Një studim i fundit ka zbuluar se institucionet dhe ndërmarrjet publike të themeluara nga qeveria serbe në veri të Kosovës është jetësore për mbijetesën e serbëve. Kjo për faktin se 80% e popullsisë në komunat Mitrovicë, Leposaviq, Zveçan dhe Zubin Potok përfitojnë drejtpërsëdrejti prej tyre, kryesisht në formën e pagave.

Në një konferencë për shtyp në Beograd, drejtoresha e Institutit për Zhvillim Ekonomik dhe Territorial, Dragisa Mijacic, tha se duhet hartuar një strategji për ruajtjen e këtyre institucioneve, sidomos në fushat e shëndetësisë, edukimit dhe mbrojtjes sociale.

Sipas saj është e nevojshme që të ulet numri i vendeve të punës në këto institucione, pasi shpesh punojnë më shumë njerëz nga sa është e nevojshme. Janë 12,100 banorë të veriut të Kosovës të punësuar në këto institucione.

Studiuesja Jasna Zarkovic vijoi deklaratën për shtyp duke folur mbi funksionin e organizmave serbë në Kosovë.

Janë 8,328 përfitues pensioni në Kosovën e veriut, ndërsa zyrat e punësimit përdoret nga 8,340 qytetarë serbë.

Aktualisht 40 mijë njerëz, ose 80% e popullsisë serbe në këtë zonë kanë përfitim direkt, ndërsa 100% kanë përfitim indirekt.

Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.