40% e të infektuarve me Covid janë pa simptoma, por kanë rrezik të lartë transmetimi / Studimi

Një studim i ri nga Qendra për Kontrollin dhe Parandalimin e Sëmundjeve në SHBA vlerëson se 40% e personave të infektuar me COVID-19 janë asimptomatikë dhe mundësia e transmetimit nga njerëzit pa simptoma është 75%.

Në udhëzimet e azhurnuara të raportuara gjithashtu nga CNN, agjensia zgjeroi “vlerësimin më të mirë aktual” bazuar në të dhënat nga fundi i muajit të kaluar. Agjensia më parë kishte vlerësuar se mundësia e transmetimit të virusit nga njerëzit asimptomatikë ishte 100%, raportoi CNN.

Transportuesit asimptomatikë janë gjithashtu shqetësim i veçantë për zyrtarët që merren me planet për të rihapur shkollat apo sektorë të ndryshëm të ekonomisë. Një studim i rafinuar lejon zyrtarët të bëjnë analizën kosto-përfitim të rihapjes së ekonomisë, duke mundësuar gjithashtu dhe sigurinë shëndetësore.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.