400 dosje parash të pista nga jashtë – Janar-shtator: 289 praktika nga Interpol, 81 nga EUROPOL, 42 kërkesa nga Carin
Viti 2020 ka shënuar një shtim të fortë të komunikimit të agjencive ligjzbatuese në vend me ato ndërkombëtaret lidhur me krimin ekonomik e financiar ndërkufitar veçanërisht sa i përket parave të dyshimte që hyjnë e dalin në Shqipëri. Scan Televizion ka zbardhur të dhënat e publikuara nga Ministria e Drejtësisë mbi bashkëpunimet mes Policisë së Shtetit me struktura si INTERPOL” “EUROPOL, CARIN, SELEK, BAMIN e të tjera. Rezulton se vetëm Policia e Shtetit përgjatë nëntë muajve të parë të vitit 2020 ka ndjekur më shumë se 400 praktika lidhur me dosje që kanë të bëjnë me krim ekonomik e financiar.
“Policia e Shtetit, sipas marrëveshjeve bashkëpunon, me “INTERPOL” me “EUROPOL, CARIN, SELEK, BAMIN, INTERFORCË, etj. Per 9 mujorin e vitin 2020 ka ndjekur: – 289 praktika të Interpolit, jane ndjekur nga Drejtoria për Krimin Ekonomik e Financiare. 81 praktika me EUROPOLIN jane ndjekur nga Drejtorisë për Krimin Ekonomik e Financiare. Me rrjetin e zyrave per gjetjen e rikuperimin e aseteve kriminale CARIN janë shkëmbyer 42 informacion e praktika. Me INTERFORCEN janë shkëmbyer informacion në 7 praktika. Shkruan në Raportin përfundimtar Ministria e Drejtësisë.
Strategjia Ndërsektoriale Kundër Korrupsionit flet edhe për krijimin e seksionve të posaçme për hetimin e pastrimit të parave dhe krimit ekonomik ne 7 prokurori te juridiksionit te përgjithshëm me përbërje drejtues seksioni dhe prokurore.
Ne 15 prokuroritë e tjera u caktua një prokuror per ndjekjen e këtyre çështjeve. Ne total, 41 prokurore jane ngarkuar me ndjekjen penale te pastrimit te parave dhe krimit ekonomik.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.