422 kontrolle në vetëm 24 orë/ AKU asgjëson mbi 150 ton produkte ushqimore në Tiranë dhe Gjirokastër

Trupat inspektuese të Autoritetit Kombëtar të Ushqimit kanë realizuar 422 kontrolle dhe monitorime në terren, në garantim të sigurisë ushqimore si pjesë e Task-Forcës kundër përhapjes së Covid-19.

Sipas njoftimit të AKU gjatë inspektimit në Tiranë është vendosur 1 masë administrative me “paralajmërim” si dhe janë asgjësuar 26 ton produkte ushqimore me kërkesë të vetë subjektit. 4 masa administrative me “paralajmërim “ janë vendosur edhe në Fier, duke iu referuar mosrinovimit të librezave shëndetësore, mosrinovim të planit 3D, sistemimin korrekt të produkteve në rafteve si dhe mosrinovim të analizës së ujit.

AKU bën me dije se në Gjirokastër është bërë asgjësimi i një sasie produktesh ushqimore më kërkesë të vetë subjektit, përkatësisht është bërë asgjësimi i 107.45 ton produkte ushqimore të lëngëta si: lëngje frutash, qumësht , ujë etj si dhe 19.3 ton produkte ushqimore të ngurta si: produkte brumi, patatina, kruasant, kornflakes etj

Po sipas njoftimit në Elbasan janë marrë 10 mostra të mollëve të vendit dhe importit për analizim të mbetjeve pesticide.

AKU do të vazhdojë të jetë e pranishme në të gjithë vendin në garantim të sigurisë ushqimore dhe në mbrojtje të shëndetit të konsumatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.