43,581 fëmijë të lindur gjatë vitit 2021 – Rama publikon të dhënat dhe siguron familjet për përfitimin e bonusit të bebes

Në një periudhë ku raporti i lindjeve dhe i humbjeve të jetëve është vënë nën presion nga Pandemi Covid 19, Kryeministri Edi Rama ka bërë një bilanc të numrit të fëmijëve të ardhur në jetë gjatë vitit që sapo lam pas, duke siguruar se do familje do përfitojë bonusin e bebes.

43,581 fëmijë të lindur gjatë vitit që sapo lamë pas, bashkë me mbarësinë dhe gëzimin e papërshkrueshëm, kanë sjellë për familjet e tyre edhe bonusin e bebes, shkreun Kreu i Qeverisë në faqen e tij zyrtare në Facebook.

115,764 fëmijë të lindur nga Janari 2019 kanë përfituar nga mbështetja direkte e programit të mbrojtjes sociale për të porsalindurit.

Edhe këtë vit, garantojmë bonusin për çdo fëmijë që vjen në jetë, në Shqipëri apo jashtë, që regjistrohet në vendin amë:

😇 40,000 lek për fëmijën e parë;

😇😇 80,000 lek për fëmijën e dytë;

😇😇😇 120,000 lek për fëmijën e tretë e më tej, shkruan Rama.

Pandemia Covid 19, por edhe largimi I të rinjve nga vendi kanë vënë nën presion të dhënat demografike të Shqipërisë veccanërisht gjatë dy viteve të fundit.

Në tremujorin e tretë 2021 vetëm një qark i vendit ka shënuar rritje të numrit të lindjeve, ndërsa në njëmbëdhjetë të tjerat numri i lindjeve është ulur, në krahasim me të njëjtën periudhë të vitit 2020. Në tremujorin e tretë 2021 numri më i madh i lindjeve regjistrohet në qarkun e Tiranës, me 2.521 lindje, ndërsa ai më i vogël në qarkun e Gjirokastrës, me 114 lindje. Rritjen e vetme në përqindje të lindjeve, gjatë tremujorit të tretë 2021, krahasuar me të njëjtën periudhë të vitit 2020, e zë qarku i Kukësit me 2,2 %. Uljen më të madhe në përqindje të lindjeve, gjatë tremujorit të tretë 2021, krahasuar me të njëjtën periudhë të vitit 2020, e zë qarku i Gjirokastrës me – 24,0 %.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.