48 raste të reja me Covid – Shpërndarja në 9 qytete të vendit
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 270 qytetarë ku kanë rezultuar pozitiv 48 raste të reja, duke e çuar në 1464 numrin total të të infektuarve në të gjithë vendin.
Rastet e reja janë përkatësisht: 24 raste në Tiranë, 8 raste në Krujë, 4 raste në Durrës, 3 raste në Fier, 3 raste në Kamëz, 2 raste në Pukë dhe Lezhë dhe nga 1 rast në Elbasan dhe Gjirokastër
Aktualisht në dy spitalet Covid janë të shtruar 52 pacientë ku 7 prej tyre janë në terapi intensive dhe një pacient në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 5 pacientë, duke e çuar në 1039 numrin total të tyre dhe ka akoma dhe 389 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.