5.359 subjekte nuk deklarojnë pagat reale – Tatimet letër punëdhënësve: Raportoni rrogat e vërteta, do ju verifikojmë në terren
Drejtoria e Pёrgjithshme e Tatimeve u ka dërguar letra 5.270 punëdhënësve dhe 10.170 të punësuarve që të deklarojnë pagat e sakta në sistem. Shkak është bërë niveli shumë I lartë I informalitetit të pagave. Drejtoria bën me dije se pas kryerjes sё analizёs sё tё dhёnave tё muajit Qershor tё pagave tё deklaruara, u konstatuan paga nёndeklarim nё disa profesione tё ndryshme si: Inxhinier, Ekonomist, Farmacist, Mekanik, Murator, Saldator, Teknik etj nё vlerёn 26.000 Lekë (në nivelin e pagës minimale).
Përmes një njoftimi zyrtar, Drejtoria e Përgjithëshme e Tatimeve bën me dije se Nga profesionet e analizuara tё lartpёrmendura, u identifikuan me parregullsi nё deklarimin e pagave njё numёr prej 5.359 tatimpaguesish dhe 10.785 punonjës.
Nisur nga kёto tё dhёna, Drejtoria e Përgjithshme e Tatimeve ju ёshtё drejtuar me letra të personalizuara si punëdhënësve ashtu edhe punëmarrësve tё identifikuar. Në kёto letra ju ёshtё kërkuar tё dy kategorive qё tё pёrmbushin detyrimin ligjor pёr deklarimin real tё nivelit të pagës ana e punёdhёnёsit, por gjithashtu kёrkohet bashkёpunim dhe ndёrgjegjёsim tё njёjtё edhe nga punёmarresit, tё cilёt duhet të kërkojnё deklarimin real të pagës nga kёta punëdhënës.
Kjo nismё e ndёrmarrё ka rezultuar me një reagim pozitiv nga ana e Tatimpaguesve tё adresuar.
Nga krahasimi i nivelit të pagave të deklaruara për muajin Gusht, u vu re njё pёrgjigje pozitive me njё rritje nё total tё pagave prej 2 464 189 lekë, nga të cilat 1 775 978 Lekë kontribute dhe 688 211 lekë TAP.
Gjatё muajit Shtator, u vu re pёrsёri njё rritje nё 3 508 941 Lekë kontribute dhe 978 947 Lekë TAP, me një total prej 4 487 888 Lekësh.
Efekti total i rritjes për të dy muajt Gusht-Shtator ishte 6 952 077 Lekë, nga të cilat 5 284 919 Lekë kontribute dhe 1 667 158 Lekë TAP.
“Pёrsa i pёrket tatimpaguesve, tё cilёt nuk reflektuan asnjё ndryshim pas marrjes së kёtij njoftimi, Drejtoria e Pёrgjithshme e Tatimeve ka vendosur që të pёrzgjedhё njё numёr tё caktuar tatimpaguesish, tek tё cilёt vёrehet dhe njё numёr më i lartë i punonjёsve, listё kjo e cila do tё dërgohet tek strukturat e verifikimit në terren pёr verifikime tё mёtejshme”, shkruan në njoftim Drejtoria e Përgjithshme e Tatimeve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.