5 këshilla jete të lidhura me biznesin që çdo sipërmarrës duhet të mësojë

1. Ndiqni një rrugë të caktuar

Njerëzit të cilët nuk janë sipërmarrës të zotë  kanë tendencë të mendojnë në mënyrë vertikale, ata i vënë një qëllim vetvetes dhe mendojnë vetëm për atë qëllim por njerëzit e suksesshëm përgjatë rrugës së tyre përpiqen të kapen në çdo mundësi që ofrohet dhe nuk fokusohen në një gjë të vetme.

Pavarësisht dështimit që mund të hasin në jetë ata gjatë rrugës për të gjetur suksesin i kanë hapur vetes mjaft rrugë të tjera, kështu që nuk do të ngelin kurrë të zhgënjyer për shkak të një dështimi që kalojnë.

2. Mos merrni vendime në momente nervash

Nëse keni biznesin tuaj por qoftë edhe nëse punoni në një kompani disa miliona dollarëshe, vendimet që do të merrni kanë një rëndësi ekzistenciale.

Kështu që duhet të bëni kujdes kur merrni vendime, mbi çfarë bazë i merrni këto vendime dhe a janë këto vendime të duhurat?

Duhet të keni parasysh të mos nxitoheni e të mos merrni kurrë vendime në momente nervash pasi kjo do t’ju dëmtonte shumë si ju ashtu edhe kompaninë apo biznesin.

3. Dështimi ka më shumë përfitime nga sa mendoni

Sipërmarrësit vazhdimisht e dëgjojnë shprehjen “përqafoni dështimin” dhe kjo shprehje zakonisht pasohet nga ndjenja se ne të gjithë jemi njerëzorë dhe bëjmë gabime kështu që nuk duhet ta mposhtim veten.

Por dështimi ka përfitime shumë më të mëdha se sa thjesht përfitimi i ndjenjës më të mirë për të metat tona. Dështimi lejon që të mësoni shumë e herën tjetër të prezantoheni me një projekt më dinjitoz i cili me siguri do të ketë sukses.

4. Frika ndoshta nuk do të largohet kurrë

Frika është një nga arsyet pse pjesa më e madhe e njerëzve nuk kanë arritur të bëhen sipërmarrës. Është e frikshme në fakt, ndoshta keni lexuar statistika të panumërta rreth asaj se si 90 për qind e startupeve dështojnë.

Vetëm ky fakt i bën njerëzit të mos e marrin mundimin t’i sjellin në jetë idetë e tyre. Por nëse jeni vërtetë të apasionuar për të bërë atë që doni me siguri do të gjeni një mënyrë për ta përballuar atë.

5. Ekzekutimi është në të vërtetë gjithçka

Çdokush mund të ketë një ide të madhe. Çdokush mund të ketë një strategji të madhe teorike, por nëse këto dy gjëra nuk vijnë me një plan ekzekutimi ato do të fshihen shpejt.

“Idetë pa ardhur në jetë janë të padobishme”, thotë Donny Gamble, themeluesi i IdeaHacks. Edhe qasja e informacionit të duhur në kohën e duhur është i padobishëm nëse nuk dini ta ekzekutoni në të vërtet informacionin.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.