5 mënyra që përforcojnë mesazhet e marketingut të kompanisë suaj
Nëse është sezoni i festave ose çdo kohë tjetër e vitit, dhënia e dhuratave te klientët, partnerëve të biznesit apo bizneseve të tjera është gjithmonë e njëjtë.
Me pak fjalë, dhuratat shërbejnë si një falënderim dhe një mjet për ndërtimin e markës suaj.
Por, me vëllimin e dhuratave dhe artikujve promovues që njerëzit marrin nga bizneset çdo vit, si të zgjidhni një dhuratë të paharrueshme në mënyrë që marka juaj të mbahet mend dhe të forcohet marrëdhënia mes jush?
Këtu do të gjeni pesë mënyra që do të përforcojnë mesazhet tuaja të marketingut me dhurata dhe t’u tregoni marrësve se ato janë të rëndësishme për ju në më shumë se sa vetëm një shitje.
- I dobishëm
Dhuratat që jepni duhet të jenë të dobishme. Mos jepni dhuratë vetëm grumbullin e stilolapsave të kompanisë që humbin në pjesën e prapme të tavolinave të klientëve tuaj. Në vend të kësaj zgjidhni artikuj të cilët klientët tuaj do të përdorin shpesh.
- Të ketë kuptim
Zgjidhni një dhuratë që të ketë kuptim për klientët tuaj. Shpeshherë në plotësimin e kartës së klientëve disa informacione që karta përmban ju bën të kuptoni interesat e gjithsecilit. Përpiquni të merrni pak më shumë kohë për këtë detaj pasi kjo lloj vëmendje e specializuar do të thotë shumë për klientët.
- Informuese
Gjithkush pëlqen të marrë dhurata që mund t’i ndihmojë ata e t’ua bëjë jetën më të lehtë. Pse të mos jepni një libër biznesi apo material informativ në lidhje me fushën e klientit tuaj?
- Sociale
Dhuratat nuk duhet të jenë sende të prekshme në mënyrë që t’ju ndihmojnë të komunikoni mesazhet tuaja të marketingut. Ndonjëherë një dhuratë shoqërore funksionon mjaft bukur. Për shembull, nëse klienti juaj i pëlqen sportet, i jepni bileta për një ngjarje të njohur sportive.
- Argëtuese
Ndonjëherë funksionon edhe dhënia e dhuratave argëtuese. Një e qeshur jep mesazhin më të mirë. Qëndroni profesional dhe me shije por mos kini frikë të jeni edhe argëtues.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
