5 ndryshime në stilin e jetës që duhet të bëni nëse dëshironi të pasuroheni në vitin 2020
Nëse po kërkoni të keni më shumë pasuri në vitin 2020, paratë nuk do të shfaqen nga hiçi, me siguri do të duhet të bëni disa ndryshime për të arritur qëllimet tuaja.
Këtu janë pesë ndryshime në stilin e jetës që kanë ndihmuar milionerët e ‘vetë-bërë’ për të arritur atje ku janë sot. Nëse ka funksionuar për ta, gjithashtu mund të funksionojë edhe për ju.
Gjeneroni dy të ardhura, ose më shumë
Njerëzit më të pasur përqendrohen në fitim dhe ata zakonisht nuk janë të kënaqur me një burim të ardhurash. 65% e të pasurve kishin të paktën tre burime të ardhurash para se të bënin milionat e tyre të parë, të tilla si qiratë e pasurive të patundshme ose një punë me kohë të pjesshme dhe natyrisht një me kohë të plotë.
Pasi të filloni të sillni në shtëpi dy çeqe, provoni strategjinë e radhës. Ruani pagën më të madhe dhe shpenzoni vetëm pjesën tjetër. Kështu ju nuk keni vetëm më shumë para që mund të kurseni dhe investoni, por ndihmon në parandalimin e inflacionit në stilin e jetës, që ndodh kur rritni shpenzimet tuaja me rritjen e të ardhurave tuaja.
Kurseni për të investuar
Arsyeja e vetme për të kursyer para është që një ditë të investoni para. Në fakt, sa kurseni dhe investoni shpesh është më e rëndësishme sesa masa e të ardhurave tuaja. Mesatarisht, milionerët investojnë 20% të të ardhurave të tyre shtëpiake çdo vit. Pasuria e tyre nuk matet me sasinë që ata bëjnë çdo vit, por me mënyrën se si ata kanë kursyer dhe investuar me kalimin e kohës.
Automatizoni të ardhurat tuaja
Pasi të jeni duke investuar paratë tuaja, mënyra më e lehtë për t’u ngjitur me të me kalimin e kohës është ta bëni procesin automatik. Vendosni një transferim të rregullt në mënyrë që paratë nga çeku juaj të dërgohen në llogaritë tuaja të kursimeve ose investimeve çdo muaj, përpara se ti shihni.
Ndërtoni marrëdhënie me njerëz të suksesshëm
Komuniteti juaj ka rëndësi. Madje mund të ndikojë në vlerën tuaj. Në shumicën e rasteve, vlera juaj neto pasqyron nivelin e miqve tuaj të afërt. Ne bëhemi si njerëzit me të cilët shoqërohemi, dhe kjo është arsyeja pse fituesit tërhiqen nga fituesit. Njerëz e pasur dhe të suksesshëm janë shumë të kujdesshëm se me kë shoqërohen. Qëllimi i tyre është të zhvillojnë marrëdhënie me individë të tjerë me mendje suksesi. Nëse nuk keni njerëz shumë të motivuar në rrjetin tuaj, bashkohuni me njerëz që ndajnë të njëjtat qëllime të karrierës tuaj ose interesa personale.
‘Mendo gjerë’
Nëse keni pritshmëri jashtëzakonisht të larta dhe jeni gati për ndonjë sfidë, jeni në rrugën e duhur. Mbi të gjitha askush nuk mund të gëzojë pasurinë nëse rri e pret që ëndrra ti realizohet. Faktori i vetëm më i rëndësishëm për t’u pasuruar është fillimi, duke mos qenë personi më i zgjuar në dhomë. (CNBC)
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.