5 veprime që duhet të ndërmerrni menjëherë nëse ju vjedhin telefonin

Të gjithëve na ka ndodhur të paktën njëherë që ta harrojmë telefonin diku, apo të kuptojmë se fare papritur telefoni nuk gjendet më në xhepin tonë.

Në ditët e sotme humbja e telefonit nuk është për t’u panikuar pasi ai është fare lehtë i zëvendësueshëm por për fat të keq të dhënat që ndodhen në të nuk janë.

Ekzistojnë disa masa paraprake që mund të ndërmerrni për të siguruar të dhënat tuaja të jenë të sigurta nëse telefoni juaj humbet.

Së pari, dhe më kryesorja gjithmonë bllokojeni telefonin tuaj dhe sigurohuni që shkarkimi i aplikacioneve tuaja të jetë i mbrojtur me një fjalëkalim.

Por pavarësisht këtyre bllokimeve, më poshtë do të gjeni pesë gjëra që duhet të bëni për të parandaluar ndonjë problem të mëtejshëm apo për ta marrë mbrapsht atë.

1. Telefonojeni celularin tuaj

Nëse jeni me fat, ndoshta telefoni juaj nuk është vjedhur por ndoshta e keni harruar vetë diku. Gjëja e parë që duhet të bëni është të telefonin dhe të shpresoni se dikush ndoshta mund të përgjigjet e t’ju thotë se e keni harruar diku. Por nëse telefoni juaj del I fikur dhe ju keni patur mjaftueshëm bateri atëherë mos shpresoni më telefonin tuaj e kanë vjedhur.

2. Gjurmojeni atë

Sigurohuni që të aktivizoni aplikacionin gjurmues në telefonin tuaj. Nëse gjurmoni vendndodhjen e telefonit tuaj ju mund ta ndiqni atë dhe të gjeni telefonin.

3. Njoftoni kompaninë tuaj celulare

Nëse jeni të bindur se telefoni juaj është vjedhur, atëherë duhet të telefononi kompaninë tuaj celulare dhe të raportoni vjedhjen e telefonit tuaj. Në këtë mënyrë ata do të bllokojnë numrin tuaj dhe ju do të keni mundësi të rimerrni përsëri telefonin tuaj.

4. Telefononi policinë

Nuk ka asnjë garanci se autoritetet në të vërtetë mund t’ju ndihmojnë ta riktheni telefonin tuaj por ja vlen ta provoni. Ndoshta mund të jeni me fat dhe telefoni juaj të gjendet.

5. Fshini të dhënat e telefonit tuaj nga distanca

Edhe pse mund të jetë e vështirë t’i fshini fotot me dorën tuaj ky është një hap I rëndësishëm I cili duhet bërë nëse tashmë jeni të sigurt se nuk do ta merrni mbrapsht telefonin tuaj. Nëse keni informacione tejet të rëndësishme në telefonin tuaj si të dhënat e kartës së kreditit apo të dhëna të tjera të ndjeshme, atëherë këtë hap duhet ta ndërmerrni patjetër.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.