50 milionë euro kredi nga agjencia franceze ADF – Nënshkruhet marrëveshja për reformën në sektorin e energjisë në Shqipëri
Ministrja e Financave Delina Ibrahimaj ka njoftuar se ka nënshkruar me Agjencinë Franceze për Zhvillim marrëveshjen e huasë për financimin e projektit “Politika për mbështetjen e Reformës në Sektorin e Energjisë në Shqipëri”.
“50 milionë euro kredi e butë do të shërbejnë për vijimin e reformës në sektorin e energjisë dhe si një nevojë bazuar në zhvillimet e tregjeve ndërkombëtare”, shkruhet në njoftim.
Ibrahimaj shprehu vlerësim për mbështetjen financiare dhe ekspertizën e ADF-së, shenjë kjo e intensifikimit të marrëdhënieve politike dhe ekonomike mes Francës dhe Shqipërisë.
Sipas njoftimit zhvillimi i tregut të energjisë dhe integrimi i tij në atë rajonal do të ndihmojë ecurinë e ekonomisë, si dhe në tërheqjen e mëtejshme të investimeve të huaja.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.