52 mijë familje me pension nga shteti – Tirana në vendin e parë, Gjirokastra me më pak përfitime
Afro 52 mijë familje në të gjithë vendin trajtohen me pension familjar nga buxheti i shtetit. Sipas të dhënave të Institutit të Sigurimeve Shoqërore, edhe pse numri i pensioneve familjarë zë pjesën më të vogël si përqindje, në krahasim me pensionet e pelqërisë apo të invaliditetit, sërish janë një peshë e konsiderueshme për arkën e sigurimeve.
Kështu, numri i pensioneve urbane familjare në gjysmën e parë të vitit ka arritur në 46.438 familje përfituese, ku Tirana regjistron shifrën më të lartë me afro 11.800, kjo edhe për shkak të numrit të popullsisë, ndërsa në vendin e fundit renditet Gjirokastra me 1836 pensione familjare. Shifra ka ardhur në rritje në krahasim me 6 mujorin 2019.
Ndërsa në zonat rurale janë 5488 familje që përfitojnë pension, ku sërish periferitë e Tiranës përbëjnë shifrën më të lartë me mbi 1 mijë të tilla dhe Gjirokastra renditet përsëri në vendin e fundit vetëm me 103 pensione familjare. Sipas legjislacionit të fuqi, pensionet familjare jepen për sëmundje të përgjithshme, për aksidentet në punë apopër mbrojtje të veçantë të ushtaraku.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.