53 raste të reja me Covid – Tirana vijon me numrin e lartë të të prekurve
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 320 qytetarë ku kanë rezultuar pozitiv 53 raste të reja, duke e çuar në 1891 numrin total të të infektuarve në të gjithë vendin.
Rastet e reja janë përkatësisht: 26 raste në Tiranë, 6 raste në Shkodër, 5 raste në Krujë, 4 raste në Vlorë, 3 raste në Fier dhe Pogradec, 2 raste në Kukës dhe Lezhë si dhe nga 1 rast në Durrës dhe Përmet.
Gjatë 24 orëve të fundit ka ndërruar jetë një paciente 79 vjeçare nga Durrësi si pasoj e sëmundjeve shoqëruese.
Aktualisht në dy spitalet Covid janë të shtruar 63 pacientë ku 7 prej tyre janë në terapi intensive dhe 2 pacientë janë në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 12 pacientë, duke e çuar në 1126 numrin total të tyre.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.