Reuters: Erdogan thotë se Turqia mbetet e angazhuar në marrëveshjen e mbrojtjes me Rusinë
Presidenti Tayyip Erdogan tha të martën se nuk Turqia nuk kishte ndërmend të tërhiqej nga marrëveshja e saj me Moskën, për të blerë sistemet e mbrojtjes raketore S-400 të Rusisë.
Duke folur me gazetarët pas lutjeve të mëngjesit, Erdogan tha gjithashtu se oferta nga Shtetet e Bashkuara për të shitur raketat Patriot në Turqi nuk ishte aq e mirë sa oferta ruse.
Marrëveshja e Turqisë për të blerë S-400 ruse, e cila mund të kryhet brenda disa javësh, ka alarmuar Uashingtonin dhe aleatët e tjerë të Turqisë të NATO-s, të cilët thonë se sistemi rus është i papajtueshëm me rrjetin e mbrojtjes të NATO-s dhe përbën një kërcënim për avionët luftarakë të SHBA F-35, që Turqia gjithashtu planifikon të blejë.
Erdogan tha se Turqia kishte ofruar të dërgonte përfaqësues në SHBA për të punuar së bashku për këtë çështje, pa thënë se çfarë ishte përgjigjja e Uashingtonit. Ai tha gjithashtu se Turqia kishte diskutuar gjithashtu një ofertë të SHBA për të shitur raketat Patriot. “Megjithatë, për fat të keq, pala amerikane nuk na ka dhënë një ofertë aq të mirë sa S400,” tha ai.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.