5G gati këtë vit – Është aq e shpejtë sa njeriu nuk e vë dot re
Zhvillimi i mëtejshëm i teknologjisë 5G po shkon përtej çdo imagjinate, deklaroi ministri kinez i industrisë dhe teknologjisë së informacionit, Miao Wei.
Sipas tij, produktet që do të suportojnë teknologjinë 5G do të dalin në treg në gjysmën e dytë të këtij viti. Produktet si celularët inteligjentë dhe tabletat do të ndjekin menjëherë më pas.
Duke folur për shpejtësinë e internetit 5G, Miao tha se është shumë e shpejtë për t`u vënë re, çka e shpjegon shumë mirë shpejtësinë e çmendur të kësaj lloj teknologjie.
“Është aq e shpejt sa ti as që mund ta vësh re. Koha e vonesës është në nivel milisekondash dhe njerëzit nuk mund ta vënë re 1 të 1000 e sekondës”, nënvizoi ai.
Kjo lloj teknologjie do të revolucionarizojë edhe transmetimet televizive ndërkohë që është një hap i madh përpara në drejtim të teknologjisë së hologramave.
Kjo lloj teknologjie mund të gjejë aplikim mjaft të gjerë në të gjithë sektorët dhe të revolucionarizojë gjithsecilin prej tyre.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.