6 ditët e paketës fiskale, Ahmetaj për “SCAN”: Në vitin 2018 nuk do ketë rritje taksash!

Në një kohë kur në media të ndryshme qarkullojnë variante të ndryshme për buxhetin dhe paketën fiskale 2018, vjen dhe përgjigjja e ministrit të Financave dhe Ekonomisë, Arben Ahmetaj.

Interesit të TV SCAN, se çfarë do të përmbajë paketa e re fiskale dhe kur do të bëhet e ditur për qytetarët dhe biznesin, ministri iu përgjigj.

“Nuk ka rritje taksash. Në paketën e re fiskale do duhet të durosh edhe 6 ditë gjithsej, ta shikosh dhe ta lexosh. Do miratohet javën tjetër në qeveri dhe besoj do ndjekë rrugën për në parlament”.

Aktualisht janë bërë me dijë vetëm disa ndërhyrje fiskale, të cilat për momentin janë artikuluar nga kryeministri dhe ministri i Financave.

Kështu behet fjalë për shtrirjen e TVSH edhe te biznesi i vogël, një rillogaritje e formulës për taksën e pasurisë, si dhe taksë zero për hotelet me 5 yje.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.