6 gjëra që nuk kërkojnë një talent të veçantë por që lënë përshtypje të mirë te të tjerët

Jo gjithçka ka të bëjë me  inteligjencën. Janë disa sjellje të cilat vlerësohen shumë dhe nuk kanë të bëjnë aspak me inteligjencen dhe janë ato të cilat do t’ju çojnë drejt rrugës së suksesit. Hidhini një sy listës së mëposhtme me 6 veprime të cilat kërkojnë zero talent por që ju bëjnë të dukeni mjaft inteligjentë.

1. Përpiquni të jeni gjithmonë në kohë

Korrektësia është një element i cili i shton vlerën karakterit tuaj. Përpiquni të jeni gjithmonë në kohë, kjo nuk kërkon as inteligjencë dhe as para. Vetëm me pak përpjekje ju do të krijoni një opinion të mirë për veten tuaj.

2. Kujdesuni për etikën e punës

Ndërsa disa individë përpiqen që të marrin sa më shumë duke bërë sa më pak punë të jetë e mundur të tjerë posedojnë një përkushtim që i drejton ata të japin gjithçka çdo ditë. Njerëzit që posedojnë një etikë të fortë pune përfshijnë disa parime të forta të cilat i drejtojnë ata çdo ditë për të prodhuar punë me cilësi të lartë janë ata që vlerësohen më shumë.

3. Jepni më të mirën në punën tuaj

Përpiquni të bëni maksimumin në punën tuaj. Do të kuptoni se sa me vlerë është përpjekja. Edhe nëse nuk arrini rezultatet që prisni të jeni të bindur se përpjekja juaj do të vlerësohet.

4. Përdorni gjuhën e trupit

Gjuha e trupit është një pjesë e komunikimit që shumë pak e studiojnë aktualisht por që përbën pjesën më të madhe të komunikimit tonë. Përgjithësisht gjuha e trupit është më e saktë nga të gjitha fjalët që ne themi. Nëse njihni gjuhën e trupit e cila mësohet me pak studim ju do të kuptoni se sa të pasur jeni.

5. Bëni gjithmonë më shumë se sa ju kërkohet

Nëse bëni sa ju kërkohet jeni shumë në rregull dhe e keni përmbushur misionin tuaj. Por nëse bëni më shumë se aq pa iu kërkuar nga askush atëherë kjo do t’ju bëjë të bini në sy të shefit tuaj dhe të krijoni një përshtypje të mirë. Por kjo nuk është e thënë që duhet të ndodhë gjithmonë. Tregoni se ju mund të bëni më shumë por jo gjithmonë kjo do të ndodhë vetëm kur ju e shihni të arsyeshme.

6. Trajnohuni gjithmonë

Dija është pushtet. Me anë të trajnimeve të ndryshme ju do të siguroni mjaftueshëm informacion edhe nëse nuk jeni shumë të apasionuar pas të lexuarit. Përpiquni të ndiqni sa më shumë trajnime sidomos ato të cilat kanë të bëjnë me punën tuaj.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.