6 mënyra për të matur suksesin e një biznesi të vogël

Si një sipërmarrës duhet të dini se sa e rëndësishme është të shikoni se çfarë funksionon në biznesin tuaj dhe çfarë jo.  Biznesi është i paparashikueshëm, dhe e vetmja gjë në të cilën mund të mbështeteni është gjithçka ndryshon, që do të thotë se nuk mund të mbështeteni askund. Ju duhet ta matni performancën e biznesit tuaj për të ditur nëse biznesi është i suksesshëm apo jo. Më poshtë do të gjeni gjashtë mënyra se si të matni suksesin e biznesit tuaj.

1. Shikoni vazhdimisht bilancet e biznesit tuaj

Për të matur suksesin e biznesit tuaj të vogël fillimisht duhet të shikoni se sa para gjeneron biznesi. Sigurisht, paratë janë shumë të rëndësishme në një biznes, pa para biznesi është i dështuar. Nëse keni para mund ta zhvilloni biznesin tuaj dhe të vazhdoni ëndrrën tuaj prej sipërmarrësi.

2. Kontrolloni kënaqësinë e klientëve tuaj

Një nga mënyrat më të rëndësishme për të matur suksesin e një biznesi të vogël është edhe kënaqësia e klientëve tuaj. Nëse klientët nuk janë të kënaqur pas blerjes që kanë kryer në biznesin tuaj, ata me siguri që nuk do të vazhdojnë të jenë klientët tuaj. Si ta matni kënaqësinë e klientëve? Ka disa mënyra, duke përfshirë këtu pyetësorë apo pyetje drejtpërsëdrejti kur klientët janë në biznesin tuaj.

3. Gjeni mesatarisht sa klientë të rinj keni

Të dini se sa klientë të rinj keni çdo ditë, është një mënyrë mjaft e mirë për të kuptuar se sa të suksesshëm jeni. Nëse nuk keni shumë klientë të rinj duhet të ndryshoni strategjinë e marketingut që keni, gjithashtu duhet të shikoni nëse klientët aktual që keni janë të kënaqur me shërbimin në biznesin tuaj. Sepse klientët e vjetër kanë po atë rëndësi me klientët e rinj

4. Kryeni shqyrtime performance

Mos i harroni punonjësit tuaj. Punonjësit janë esencialë, pa ta do e keni mjaft të vështirë të ecni e të zhvilloni biznesin tuaj. Një mënyrë për të matur suksesin e biznesit tuaj është nëpërmjet vlerësimit të performancës. Vlerësimi i performancës do ju ndihmojnë të kuptoni se sa të kënaqur janë punonjësit tuaj në punë.

5. Qëndroni gjithmonë njësoj

Ndonjëherë, duhet të dini se si është tregu për të matur kështu suksesin e biznesit tuaj. Nëse as ju e as konkurrentët tuaj nuk janë duke kaluar një periudhë të mirë në biznesin e tyre, kjo mund të jetë si pasojë e tregut dhe nuk do të thotë domosdoshmërish se biznesi juaj nuk po ecën mirë. Pavarësisht ditëve të mira apo të këqija në biznesin tuaj, ju duhet të qëndroni gjithmonë njësoj në treg.

6. Vlerësoni pritjet tuaja

Si ndiheni për suksesin e biznesit tuaj? Bazuar në një studim, 55 % e pronarëve të bizneseve të vogla janë të kënaqur me pozicionin që kanë. Ndoshta nuk e kuptoni momentalisht, por vlerësimi i lumturisë në lidhje me biznesin flet shumë suksesin në biznesin tuaj. Nëse jeni të lumtur e ndiheni mirë me atë çka keni arritur do të thotë se biznesi juaj është në rrugë të mirë.

Viola Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.