6-mujori, më pak celularë, më shumë internet – 2.46 milionë përdorues aktivë të telefonisë mobile në 2021, rënie me 1.4% nga 2020

Duket se Pandemia Covid 19 ka ndikuar në raportin e përdorimit të shërbimeve celulare. Në gjashtë muajt e parë të këtij viti, rezulton në rënie numri i qytetarëve shqiptarë që përdorin celularët, ndërkohë që rritje ka shënuar numri I atyre që përdorin internetin. Në raportin e sapopublikuar, AKEP njofton se Numri i përdoruesve aktivë të telefonisë celulare gjatë  T2 2021 arriti në rreth 2.46 milionë që përbën një rënie me rreth 1.4% me T1 2021, megjithëse në rritje me rreth 8.6% me T2 2020. Ndërkaq, numri i përdoruesve aktivë të aksesit broadband në Internet nga rrjetet celulare në T2 2021 ishte rreth 2  milionë  që  përbën  një  rritje  me  1.5%  me  tremujorin  e  mëparshëm,  dhe  një  rritje  me  31.7%  në krahasim me Tremujorin e dytë 2020.

Në total, Numri i pajtimtarëve të shërbimeve celulare sipas kartave SIM në fund të T2 2021 ishte rreth 3,190,860 që  përbën  një  rritje  me  0.7%  në  krahasim  me  tremujorin  e  mëparshëm,  dhe  një  rritje  me  0.9% në  krahasim me T2 2020.

Totali thirrjeve dalëse të gjeneruara nga pajtimtarët celularë në Shqipëri në T2 2021 ishte rreth 1.42 miliardë minuta, me një rritje prej  3% në krahasim me tremujorin paraardhës dhe me  një  rritje  prej 12.1% me T2 2020.

Numri i mesazheve SMS të dërguara nga pajtimtarët e rrjeteve celulare në T2 2021 ishte rreth 138 milion që përbën një rritje me 2.1% krahasuar me T1 2021 dhe një rritje me 0.2% me T2 2020.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.