62.5 milionë lekë shpronësime për rikonstruksionin e rrugës ‘Mihal Grameno’ dhe degëzimin e rrugës ‘Budi’ në Tiranë
Ministria e Infrastrukturës dhe Energjisë ka shpallur kërkesën për shpronësim për interes publik të pasurive të paluajtshme, pronë private, që preket nga projekti “Rikonstruksion i rrugës ‘Mihal Grameno’, si dhe degëzimit të rrugës ‘Budi’ me depon e ujit (faza e dytë), në Tiranë”.
Personat që preken nga ky projekt të cilët kanë emrin në tabelën e publikuar dhe personat të cilët preken, por nuk figurojnë në këto lista, jo më vonë se 15 (pesëmbëdhjetë) ditë nga publikimi në Fletoren Zyrtare, kanë të drejtë të paraqesin pretendimet e tyre, të shoqëruara me dokumentacionin përkatës, si edhe të shprehen nëse janë dakord me të dhënat e publikuara për përfundimin e procedurave të shpronësimit, në Bashkinë Tiranë, si dhe në Ministrinë e Infrastrukturës dhe Energjisë.
Vlera totale paraprake e shpronësimit është 63 milionë e 241 mijë e 575 lekë dhe në listë janë 50 prona që preken.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.