654 biznese marrin 80 milionë euro – Garancitë sovrane/ Paguan pagat për 51 mijë punonjës, sektorët më përfitues

Afro 654 sipërmarrje kanë përfituar nga garancitë sorvrane 1 dhe 2 të vendosura në dispozicion nga qeveria në kuadër të pandemisë COVID-19, me një vlerë prej 9.9 miliardë lekësh në total apo rreth 80 milionë eurosh.  Refetuar të dhënave zyrtare të Ministrisë së Financave dhe Ekonomisë, të përpunuara nga RTV SCAN, 750 subjekte kanë përfituar nga garanvia sovrane 1 me një vlerë prej 6 miliardë lekësh, duke paguar kështu pagat për rreth 51 mijë punonjës.  Tre sektorët që kanë përfituar më së shumti, nga kreditë me norma interesi të subvencionuara dhe duke përdorur qeverinë si garantor janë sektori i prodhimit, me 145 subjekte dhe një vlerë totale kredie prej 2.1 miliardë lekësh, sektori i tregtisë, ku janë miratuar aplikimet për 141 biznese me një vlerë prej 986 milionë lekësh dhe sektori i shërbimeve, ku janë kredituar 76 subjekte me nj vlerë prej 686 milionë lekësh. Ndërkaq, nga garancia sovrane 2 kanë përfituar 150 subjekte në total me një vlerë prej rreth 3.9 miliardë lekësh. Sektorët që kanë marrë më shumë para janë tregtia, me rreth 2.2 miliardë lekë apo 74 subjekte, shërbimet me 36 subjekte dhe 697 milionë lekë dhe prodhimi me 22 subjekte dhe një vlerë totale 239 milionë lekë. Në total qeveria vuri në dispozicion në të dy garancitë, 26 miliardë lekë.

Garancia sovrane 1

Sektori i prodhimit 145 subjekte

Sektori i tregtisë 141 subjekte

Sektori i shërbimeve 76 subjekte

Garancia sovrane 2

Sektori i tregtisë 74 subjekte

Sektori i shërbimeve 36 subjekte

Sektori i prodhimit 22 subjekte

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.