7.2 milion euro për byzylykët e diamantit të Marie Antoinette – Cili është blerësi misterioz?!

Byzylyku i diamantit që i përkiste Marie Antoinette u shit për 7.46 milionë franga zvicerane (7.2 milionë euro) në ankand. Byzylykët ishin ndër bizhuteritë e tjera të rralla nga gruaja e mbretit të fundit të Francës Louis XVI, e cila ashtu si i shoqi e pati fatin në gijotinë gjatë revolucionit francez.

Ata u shitën për shumë më tepër sesa vlerësimi i para-shitjes prej 2 milionë deri në 4 milionë franga zvicerane të martën në mbrëmje në një ankand të Christie’s në Gjenevë. Çmimi përfundimtar përfshinte taksat dhe tarifat mbi çmimin e çekiçit. Blerësi nuk u identifikua. Me 112 diamante, secila prej tyre peshon 97 gram dhe përfshin argjend dhe ar.

Pas vdekjes së Marie Antoinette në 1793, byzylykët që ishin porositur rreth 17 vjet më parë u kaluan nga vajza e saj Marie-Therese dhe u mbajtën brenda familjes mbretërore për më shumë se 200 vjet, tha Christie’s.

Të mërkurën, si pjesë e ankandeve të rregullta të bizhuterive në Gjenevë, shtëpia rivale Sotheby’s do të vendosë në çekiç një safir ovale 26,8 karatësh të rrethuar me diamante dhe vëthë që dikur i përkisnin Dukeshës së Madhe Maria Pavlovna të Rusisë.

Ato pjesë u hoqën nga Rusia gjatë revolucionit të vendit të vitit 1917. Treshja pritet të grumbullojë deri në 480,000 franga (454,209 euro).

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.