7 hapa që duhet të ndiqni para se të nisni një biznes tuajin
Njerëzit gjithmonë janë të prirur për të kërkuar një listë të përgjithshme të cilën mund ta përdorin për të filluar bizneset e tyre. Nga modeli juaj i biznesit në vendndodhjen tuaj fizike, ka kaq shumë gjëra të ndryshme që nuk është e lehtë për të dalë me një listë unike që të mund të funksionojë pikërisht në këtë drejtim nga të gjithë. Për sa u tha më lart, këtu ndodhen 7 hapat tona për fillimin e biznesit tuaj.
- Bëni një vlerësim personal
Filloni të vlerësoni veten dhe gjendjen tuaj:
- Pse do të donit të fillonit një biznes? Është paraja, liria, kreativiteti, apo ndonjë arsye tjetër?
- Çfarë aftësie keni?
- Çfarë industrie dini?
- Do të doni të siguroni një shërbim apo një produkt?
- Çfarë ju pëlqen të bëni?
- Sa kapitale mund të jeni duke rrezikuar?
- Doni të punoni në kohë të plotë apo me kohë të pjesshme?
Përgjigjet tuaja në lidhje me këto pyetje do t’ju ndihmojnë për të qartësuar fokusin tuaj.si dhe hapat e parë për planifikimin e biznesit. Që të filloni një biznes të suksesshëm, vetëm pasioni nuk është i mjaftueshëm. Ju keni nevojë për një plan, për të përcaktuar qëllimet dhe mbi të gjitha, të njihni veten tuaj. Cilat janë pikat tuaja? Cilat janë dobësitë tuaja? Si do të ndikojnë këto operacione ditë për ditë? Ju mund të kryeni një analizë të hollësishme për të kuptuar këtë.
Disa pyetje të mira për të pyetur veten tuaj:
Çfarë do të bënit nëse paratë nuk do të ishin problem? A është me të vërtetë paraja e rëndësishme? Cilat gjëra të vërteta kanë rëndësi për ju?
A keni mbështetjen e familjes tuaj? Pjesëtaret e familjes në fillim mund të bëjnë sakrifica, kështu që është e rëndësishme për ti pasur pranë vetes. Në cilën industri dëshironi të fokusoheni?
T’iu përgjigjeni këtyre pyetjeve dhe të kërkoni më shumë nga vetja dhe aftësitë tuaja nuk do të thotë domosdoshmërisht të siguroheni të jeni të suksesshëm, por se është koha që ju të mendoni në lidhje me qëllimet tuaja dhe për atë që ju motivon dhe ju frymëzon.
- Analizoni industrinë tuaj
Pasi të keni vendosur në një biznes i cili përshtatet me qëllimet tuaja dhe stilin e jetës, ju keni nevojë për të vlerësuar idenë tuaj. Kush mund ta blejë produktin apo shërbimin tuaj? Kush do të jenë konkurrentët tuaj? Në këtë fazë do ju duhet të kuptoni se sa para mund t’ju nevojitën për të filluar një biznes.
Ka shumë mënyra që ju mund ta bëni këtë, duke bërë kërkime në Google, duke shkuar jashtë, duke folur me njerëz që tashmë punojnë në këtë industri, duke lexuar libra nga njerëz të industrisë, duke studiuar njerëz të rëndësishëm, duke lexuar faqet përkatëse të lajmeve si dhe revistat e industrisë.
- Vlerësoni tregun tuaj
Për të vlerësuar tregun tuaj, ka disa gjëra që duhet të merrni parasysh. A kanë njerëzit nevojë nëse ju jeni duke shitur diçka? Si është madhësia e tregut? A ka shumë njerëz që janë të gatshëm të paguajnë për shërbimin tuaj? Sa e lehtë është për të marrë një klient? Sa para dhe përpjekje do t’ju kushtojë për të dhënë vlerën që ju do të donit për të ofruar? A ka konkurrent të tjerë që ofrojnë këtë produkt apo shërbim? Mbani mend, prania e konkurrentëve është shpesh një shenjë e mirë! Kjo do të thotë se tregu për produktet apo shërbimin tuaj tashmë ekziston, kështu që ju e dini që në fillim se produkti juaj nuk është jashtë tregut
- Bëjeni ligjore
Hapi i parë për të zyrtarizuar biznesin tuaj është regjistrimi i biznesit. Merrni informacionet e duhura se si procedohet për të hapur një biznes, çfarë dokumentash nevojiten, ku mund të klasifikoheni, çfarë taksash duhet të paguani, e shumë informacione të tjera
- Filloni procesin e planifikimit
Nëse do të kërkonit një financim të jashtëm, një plan biznesi mund të jetë një domosdoshmëri. Por, edhe në qoftë se jeni duke shkuar për të financuar sipërmarrjen vetë, një plan i biznesit do t’ju ndihmojë të kuptoni se sa para do t’ju duhet për të filluar këtë aktivitet. Në terma më të thjeshta, një plan biznesi është një udhërrëfyes i diçkaje që mund të përdorni për t’ju ndihmuar të hartojë progresin tuaj që të përshkruani gjërat që ju duhet të bëni.
Në fakt, plani i biznesit nuk duhet të jetë një dokument formal thjesht për ta pasur në sirtar, por një udhërrëfyes real i objektivave që ju duhet të arrini në një plan afat shkurtër dhe afat gjatë.
- Filloni të drejtoni financat
Duke u varur nga madhësia e sipërmarrjes suaj, mund të keni nevojë për të kërkuar financim nga një “ëngjëll” ose nga një investim bankar. Shumica e bizneseve të vogla, së pari fillojnë me një financim privat ose kartat e kreditit, kredi personale ose të ndihmuar nga familja, dhe kështu me radhë. Si rregull, përveç shpenzimeve tuaja fillestare ju duhet gjithashtu për të pasur një buxhet të familjes tuaj në ndonjë bankë për të paktën tre muaj.
- Zyrtarizoni çeljen e aktivitetit
Tashmë keni bërë një listë të gjërave që duhet të bëni, si dhe keni një plan biznesi real. Gjeni një vend. Negocioni për një kontratë qiraje. Merrni një numër telefoni. Punësoni një staf të kualifikuar. Vendosni çmimet tuaja. Secila nga këto hapa do të duhet ti mendoni me kujdes. Vendndodhja juaj e biznesit do të diktojë llojin e klientit të tërhequr, llojet e promovimeve mund të nxirrni, dhe sa kohë do t’ju marrë që të rritet. Ndërsa një vend i madh jo domosdoshmërisht do të garantojë suksesin tuaj, një vend i keq pothuajse gjithmonë do të garantojë dështim.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.