7 miliardë euro për rrugën nënujore që lidh Gjermaninë me Danimarkën – Nis puna për tunelin më të gjatë në botë
Ka nisur tashmë puna ndërtimore në anën gjermane për tunelin nënujor që lidh Gjermaninë dhe Danimarkën. Projekti prej 7 miliardë eurosh nën Detin Baltik pritet të përfundojë deri në vitin 2029.
Kjo lidhje do të zvogëlojë kohën e udhëtimit me tren midis Hamburgut dhe kryeqytetit danez Kopenhagen në nën 3 orë.
Puna kishte filluar më parë në anën daneze, por vetëm tani ajo filloi dhe në krahun gjerman në Puttgarden.
Firma daneze Femern A/S thotë se do të jetë tuneli rrugor dhe hekurudhor më i gjatë në botë.
Pritet që makinave tu duhen vetëm 10 minuta ndërsa trenave 7 minuta për të përshkruar të gjithë tunelin prej 18 kilometra.
Enak Ferlemann, sekretar parlamentar shtetëror në ministrinë e transportit të Gjermanisë u shpreh se ky është një nga projektet më të mëdha dhe më të rëndësishme të infrastrukturës së transportit në Europë në dekadën e tanishme.
Ai ndihmon Europën të rritet më afër së bashku dhe promovon zhvillimin dhe shkëmbimin e biznesit, shkencës dhe turizmit.”
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.