7 veset e çuditshme të miliarderit amerikan. Që nga mëngjesi me 3.17 dollarë dhe deri te dieta me 5 Cola në ditë
Investitori miliarder dhe një nga njerëzit më të pasur në botë (aktualisht i nënti), Warren Buffett, është një nga personazhet më inspirues sa i takon këshillave dhe inspirimit për të qenë i suksesshëm. Po ashtu, 91 vjeçari është i njohur për humorin dhe karizmën e tij. Më poshtë, disa nga veset më interesante të manjatit amerikan.
Nuk shpenzon kurrë më shumë se 3.17 dollarë për mëngjes
Në varësi të asaj që preferon të konsumojë, Buffett porosit një nga tre artikujt e preferuar pranë McDonald’s. Përkatësisht, shpenzimi është 2.61 dollarë, 2.95 dollarë, apo 3.17 dollarë, por kurrë më shumë se kaq.
Pi të paktën 5 Coca-Cola në ditë
“Unë jam një e katërta Coca-Cola – thotë Buffett për Fortune – Nëse konsumoj 2700 kalori në ditë, një e katërta e saj është Coca-Cola.”
Shpjegimi i tij për dietën e tij me përqendrim sheqeri: “Kam kontrolluar tabelat aktuariale, dhe shkalla më e ulët e vdekjeve është në mesin e gjashtëvjeçarëve. Kështu vendosa të ha si një fëmijë gjashtëvjeçar. Është rruga më e sigurtë që mund të marr.”
Ai jeton në të njëjtën shtëpi që bleu në 1958
Është një shtëpi me pesë dhoma gjumi që Buffett bleu në 1958 për rreth 31.500 dollarë, ose rreth 260.000 në ditët e sotme. Nëse dëshironi të jeni fqinj i tij, shtëpia përballë do t’ju kushtojë rreth 2.15 milionë dollarë.
Ka “art udhëzues” të varur në muret e zyrës së tij
Buffett ka kopje të faqeve të para të Neë York Times që përshkruajnë krizat ekonomike, si Paniku i vitit 1907 dhe Depresioni i Madh.
“Doja të vendosja në mure ditë paniku ekstremi në Ëall Street, vetëm si një kujtesë se gjithçka mund të ndodhë në këtë botë,” thotë ai në dokumentarin e HBO.
Nuk mban kompjuter në zyrë
Në zonën e tij të punës nuk ka as telefon dhe as kompjuter. Në fakt, gjatë gjithë jetës së tij, Buffett ka dërguar gjithsej një email të vetëm, për Jeff Raikes të Microsoft.
Ai lexon rreth gjashtë orë në ditë
“Unë lexoj dhe mendoj – thotë Buffett për Time- Kështu që unë bëj më shumë lexim dhe mendim dhe marr vendime më pak impulsive sesa shumica e njerëzve në biznes. E bëj sepse më pëlqen kjo lloj jete.”
Ende përdor kuponat e zbritjes
Miliarderi i vetë – bërë ende vlerëson një ofertë të mirë. Përshembull, Buffett i bleu një herë drekë Bill Gates, me kupona, te McDonald’s.
Burimi origjinal: CNBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.