717 mln USD “shpëtojnë” përmbytjet – Si do të ndahen fondet për “pikat e dobëta”

717 milionë dollarë është kostoja totale e shtrirë në një periudhë 13-vjeçare që vendi ynë të “shpëtojë” përfundimisht nga përmbytjet, një fenomen që përsëritet vit pas vitit për shkak të infrastrukturës së amortizuar dhe ndërtimeve pa kriter.  Kjo shumë specifikohet në Strategjinë Kombëtare e Ujitjes dhe Kullimit 2019-2031, e cila ka hyrë në fuqi, dhe do të përdoret konkretisht për  rehabilitimin   dhe modernizimin   e   infrastrukturës   së  ujitjes, infrastrukturës së kullimit, digave të rezervuarëve të    ujitjes    dhe   objekteve    të    mbrojtjes   nga përmbytja.

Kështu, 253.6 milionë USD,  do të shkojnë për për  të mundësuar  ujitjen  në sipërfaqen potencialisht  të ujitshme prej 360 000 ha; 56.5 milionë USD,  për rikthimin e infrastrukturës  së  kullimit  në  parametra  optimal në sipërfaqen potencialisht të kalueshme prej 280 000 ha; 130.2 milionë USD,  për rehabilitimn  e  410 digave  (ose  rreth  65%  e  numrit  të  përgjithshëm) për  rritjen  e  sigurisë  së  tyre  dhe  garantimin  e burimeve ujore për skemat ekzistuese; 276.8 milionë USD,  për  rritjen  e  sigurisë  së mbrojtjes   nga   përmbytja   lumore   dhe   detare, nëpërmjet rehabilitimit/    rikonstruksionit  të argjinaturave ekzistuese   dhe ndërtimit të strukturave reja.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.