7,500 të huaj bëhen bashkëpronarë të një kështjelle në Francë – Akti i zgjuar shpëton kështjellën nga rrënimi
Më shumë se 7,500 njerëz janë bërë sëbashku për të blerë një kështjellë të shekullit të 13 në Francë.
Kjo është ose skema më e keqe në botë për sa i përket pronës së përbashkët ose një akt i zgjuar i të gjithë këtyre njerëzve.
Mijëra njerëz u mblodhën sëbashku në internet për të blerë Chateau de la Mothe-Chandeniers duke mbledhur më shumë se 615,900 euro për ta shpëtuar atë nga shkatërrimi apo shembja.
Vendorët në rajonin Poitou-Charentes të Francës, rreth 200 milje në jugperëndim të Parisit, bashkuan forcat me “Dartagnans”, një kompani e specializuar në mbledhjen e parave për të shpëtuar ndërtesat historike, për të nisur një fushatë “crowdfunding”.
Paratë nga fushata do të përdoren për të blerë kështjellën, për ta restauruar dhe për ta hapur për publikun.
Kjo kështjellë ka një histori të shquar e cila daton që në shekullin e 13-të. Ajo u mor nga anglezët dy herë gjatë mesjetës dhe u shkatërrua gjatë revolucionit francez.
Prona ndryshoi pronësi disa herë derisa Baron Edgard Lejeune e bleu atë dhe filloi rindërtimin në 1870. Rreth kësaj kohe, kalaja u bë një vend i lulëzuar derisa një zjarr shpërtheu dhe shkatërroi pjesën më të madhe të ndërtesës më 1932.
Më pas, kjo kështjellë mbeti bosh në vitin 1981, kur Marc Deyemer bleu tokën, duke synuar ta rikthejë atë.
Fushata u kërkon pronarëve të ardhshëm të kontribuojnë së paku me 50 euro për të qenë pjesë e pronësisë së kështjellës. Megjithëse mijëra bashkëpronarë nuk do të bien dakord sa herë që dëshirojnë ata do të jenë pjesë e vendimmarrjes sa herë të bëhet fjalë për ndonjë zhvillim apo restaurim.
Gjithashtu ata do të jenë të parët që do ta vizitojnë të kështjellën të parët pas përfundimit.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.