76 kompani VIP padisin Tatimet – Shoqëritë në nëpër Gjykata për penalitete miliona lekë
76 kompani VIP i janë drejtuar gjatë këtij viti Gjykatës Administrative për të kontestuar gjobat e kripura të vendosura nga administrata tatimore apo vlerësimet e saj mbi xhirot dhe vlerën e taksave që duhet të paguajnë.
Mes paditësve bien në sy disa prej kompanive me mjaft peshë në jetën ekonomike të vendit.
Ato i kërkojnë Gjykatës shfuqizimin e gjobave të kripura prej miliona lekëve, apo rimbursimin e detyrimeve të vjelura pa të drejtë nga tatimet.
Një prej kompanive kërkon shfuqizimin e gjobave dhe kamatëvonesave të cilat në total arrijnë 9 milionë lekë, ndërkohë që një tjetër kërkon rimbursimin e tatimit ne burim ne shumen 16.5 milionë lekë, afërsisht 150 mijë dollar.
Gjysma e parë e vitit 2017 ka shënuar një bum padish nga bizneset kundër administratës tatimore.
Televizioni Scan ka zbardhur një raport zyrtar të Drejtorisë së Përgjithshme të Tatimeve, sipas të cilit aktualisht ka arritur në 426 numri i bizneseve që kanë paditur administratën tatimore për vlerësime, gjoba apo kamatëvonesa të padrejta.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.