76-vjetori i Çlirimit/ Krerët e Shtetit, homazhe pranë monumentit “Nënë Shqipëri”

Shqiptarët festojnë  29 nëntorin , Ditën e Çlirimit të vendit nga pushtuesit nazifashistë. Në nderim të kësaj dite, autoritetet më të larta të shtetit bënë  homazhe dhe vendosën kurora me lule pranë monumentit “Nëna Shqipëri”.

Shqiptarët festojnë 29 nëntorin, Ditën e Çlirimit të Shqipërisë nga pushtuesit nazifashistë. Në nderim të kësaj dite, autoritetet më të larta të shtetit bënë  homazhe dhe vendosën kurora me lule pranë monumentit “Nëna Shqipëri”, pranë Varrezave të Dëshmorëve. Presidenti, Ilir Meta dhe  Kryeministri Edi Rama u përulën  në respekt dhe mirënjohje të veprës së të rënëve . Pas kryerjes së Homazheve Presidenti Ilir Meta  në një prononcim për mediat dha një mesazh për të rinjt sipas të cilit duhet të marri më shumë përgjegjësi dhe  të ndalin shpopullimin e vendin  duke jetuar dhe kontribuuar në vendin  e tyre

“Nëse bashkëmoshatarët e tyre, 76 apo 80 vite më parë, bënë sakrifica dhe një detyrë jashtëzakonisht të vështirë për vendin tonë, sot të rinjtë e Shqipërisë kanë një detyrë po aq të madhe, por e kanë më të lehtë. Vetëm duhet të kenë më shumë vetëbesim, angazhim dhe të marrin më shumë përgjegjësi për të ndalur shpopullimin e Shqipërisë, si dhe të bëjnë të mundur që të gjithë ata që kanë ikur, të kthehen në Atdheun e tyre.” – u shpreh presidenti.

Një urim të veçantë për të gjithë veteranët, të cilëve ju uroj jetë të gjatë e shëndet të plotë!

Kryeministri  Edi Rama zgjodhi të uroj përmes  postimeve në rrjetet sociale. Homazhe në varrezat dëshmorëve kryen edhe figura të tjera të politikës shqiptare, të cilët  nderuan emrat që dhanë jetën për çlirimin e vendit.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.