787 raste të reja me Covid-19, MSH: “15 persona humbën jetën dhe u shëruan 517 qytetarë”
Gjatë 24 orëve të fundit janë regjistruar 787 raste të reja me Covid-19, nga 2745 testime të kryera në total. Sipas Ministrisë së Shëndetësisë, 267 raste janë regjistruar në Tiranë, 43 në Berat, 41 raste në Durrës dhe 40 raste në Shkodër.
Në 24 orët e fundit janë shëruar 517 qytetarë, duke e çuar numrin e të shëruarve 26.898 që nga fillimi i epidemisë. Numri i të shtruarve në spitale vijon të jetë i qëndrueshëm. Aktualisht në 4 spitalet COVID, po trajtohen 393 pacientë, 26 në terapi intensive, nga të cilët 11 janë të intubuar.
Megjithë përpjekjet e mjekëve, në 24 orët e fundit kanë humbur jetën 15 qytetarë. Ministria e Shëndetësisë dhe Mbrojtjes Sociale u bën apel qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.