8 burgje shqiptare kërkojnë mjekë dhe farmacistë! Drejtoria hap garën, kriteret dhe vendet e lira
Drejtoria e Përgjithshme e Burgjeve ka shpallur vende vakante për punësim në pozicionin Mjek dhe Ndihmës Mjek në sistemin e burgjeve. Në shpallje ftohen profesionistë të fushës të aplikojnë për rekrutim.
“Në saj të investimeve për kujdesin shëndetësor ndaj të burgosurve, mbështetjes e bashkëpunimit të Ministrisë së Shëndetësisë, në sistemin e burgjeve, çdo profesionist i fushës së mjekësisë ka mundësi të ndjehet i realizuar nga pikëpamja profesionale dhe humane.
Sensibiliteti i veçantë për kujdesin shëndetësor ndaj personave në kushtet e heqjes së lirisë konsiston edhe në vëmendje të shtuar të Qeverisë për përmirësim të trajtimit financiar të stafit mjekësor.
Kushtet specifike të punës (në ambiente me masa sigurie në burgje dhe me pacient të burgosurit) janë një faktor sfidues që veç nxit edhe vlera të tjera njerëzore si disiplinën, humanizmin etj” shkruhet në shpalljen e Drejtorisë së Përgjithshme të Burgjeve.
Vendet vakante për të cilat bëhet kjo ftesë për aplikim janë:
Mjek
-Peqin
-Lezhë
-Rrogozhinë
-Fushë-Krujë
-Tepelenë
-Fier
-Shkodër
-Krujë
-Stomatolog
-Berat
-Ndihmës Mjek
Peqin
Sarandë
Durrës
Fier
Shkodër
Farmacist
Berat
Krujë
Shkodër
Numri i vendeve për punonjësit Mjek dhe N/Mjek është 18.
Afati i dorëzimit të aplikimeve është deri më datë 25 tetor 2019. Dokumentet do të dorëzohen në Sektorin e Burimeve Njerëzore në Drejtorinë e Përgjithshme të Burgjeve.
Kriteret e përgjithshme të pranimit:
Ka të drejtë të konkurrojë për t’u pranuar në shërbimin shëndetësor të burgjeve çdo person, që plotëson kriteret e mëposhtme:
është shtetas shqiptar;
ka mbaruar arsimin përkatës;( Mjekësi e Përgjithshme, Stomatologji, Farmaci, Infermieri e përgjithshme)
kandidati të jetë i pajisur me lejen e ushtrimit të profesionit
është në gjendje të mirë shëndetësore dhe i aftë fizikisht, për të kryer detyrën;
nuk është dënuar penalisht me vendim gjykate të formës së prerë.
Çdo person që konkurron për t’u pranuar si punonjës në shërbimin shëndetësor në burgje duhet të paraqesë, brenda afatit të njoftuar në shpallje, dokumentet e mëposhtme:
Formularin e plotësuar të aplikimit;
Jetëshkrimi i plotësuar (CV):
Fotokopje të pasaportës ose të kartës së identitetit;
Fotokopje e diplomës së arsimit përkatës dhe listës së notave;
Formularin e vetë deklarimit mbi gjendjen gjyqësore;
Vërtetim të lëshuar nga Prokuroria dhe Gjykata se nuk është në procedim penal;
Formularin e vetëdeklarimit për garantimin e integritetit të personave që ushtrojnë funksione publike, të plotësuar elektronikisht dhe të nënshkruar, sipas linkut
Deklaratën që kandidati nuk është në kushtet e konfliktit të interesit;
Raport mjekoligjor që është i aftë për punë.
Dokumentacioni duhet të dorëzohet, jo më vonë se 15 (pesëmbëdhjetë) ditë kalendarike nga dita e parë e shpalljes, sipas përcaktimit në shpalljen për konkurim
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.