8 vendet më të përshtatshme për të vizituar gjatë muajit Maj
Business insider ka parë së fundmi trendet e fluturimeve, të dhënat e klimës si dhe kohën e udhëtimit përgjatë pikut të pushimeve gjatë periudhës së Majit. Këto destinacione përfshijnë një larmi të gjerë ushqimesh, si dhe pamje mjaft mbresëlënëse.
Maji është një nga muajt më të ngrohtë dhe mjaft i përshtatshëm për udhëtime turistike.
Kushtet klimaterike janë perfekte për shkak se shumë nga destinacionet më të mëdha të botës fillojnë të ngrohen duke i lënë kështu vendin turistëve të shijojnë udhëtimin e tyre.
Këto janë 8 vendet më të mira për të udhëtuar përgjatë muajit Maj:
Vancouver, Kanada
Gjatë pranverës, Vankuveri është një nga destinacionet më të njohura turistike në Kanada. Turistët e vizitojnë shpesh këtë qytet për kulturën e gjallë që ofron, për peisazhin e saj mahnitës, dhe ushqimet karakteristike të kësaj zone, e bën këtë vend mjaft të dashur nga turistët. Moti është relativisht i ngrohtë duke shijuar shëtitjet përgjatë Parkut Stanley ose duke eksploruar natyrën tërheqëse, muzikën, ushqimin dhe artin e bukur në Granville Island. Për një eksperiencë të vërtëtë kulturore shikoni Gastown, e cila është qendra më e madhe historike në këtë qytet.
Cusco, Peru
Maji konsiderohet si një nga kohët ideale për të vizituar Cusco, ish kryeqytetin e Perandorisë Inca dhe hyrjet mahnitëse të rrënojave në Machu Picchu. Qyteti i Cusco cilësohet si një nga vendet me arkeologji të gjerë.
Rio de Janeiro, Brazil
Në këtë periudhë, hotelet ulin çmimet në Rio de Janeiro. Ecni përgjatë plazhit në Ipanema, shijoni pamjet spektakolare të statujës së Krishtit, dhe nëse kërkoni emocion shikoni një ndeshje futbolli në stadiumin me famë botërore Maracana.
Lisbon, Portugali
Vendet historike, rrugët me kalldrëm dhe arkitektura shumëngjyrëshe e bëjnë kryeqytetin portugez të Lizbonës mjaft tërheqës për vizitorët. Maji është një nga vendet më të ëmbla, për shkak se hotelet kanë çmime të ulëta dhe kohë ideale për të bërë plazh. Përpara se të vizitoni këtë qytet, ju duhet patjetër të vizitoni Kullën e mrekullueshme Belem, kjo me të vërtetë duhet parë.
Firence, Itali
Moti gjatë kësaj periudhe fillon të ngrohet në Firence, pas një prilli të ftohtë. Nëse admironi artin e klasit botëror, duke shijuar ushqimet e larmishme të asaj zone ndoshta nuk ka vend më të mirë në Evropë sesa ky kryeqytet toskan. I njohur si vendlindja e Rilindjes, Firence është shtëpia e disa prej muzeve më të mëdha të artit në botë dhe katedraleve historike përgjatë kodrave të saj. Duke përfituar nga festivalet e shumta të artit dhe kulturës që shfaqen në qendër të qytetit, është gjithmonë e këshillueshme për t’u vizituar në Maj.
Budapest, Hungari
Vizitorët e shumtë në këtë qytet, mund të zhyten në disa nga arkitekturat më mahnitëse të Evropës Qëndrore. Admironi pamjet tërheqëse të Shën Stefanit, hidhini një sy Parlamentit hungarez dhe mos harroni të bëni një shëtitje të lehtë përgjatë Danubit në mbrëmje. Dhe në fund të këtij udhëtimi, Budapesti nuk do të ishte i plotë pa parë banjot e famshme termale të qytetit. Mund të ketë ndonjë shi të rastit në këtë zonë, por moti në përgjithësi vazhdon të jetë I qëndrueshëm deri në muajin Maj.
Siem Reap, Kamboxhia
Qyteti i Siem Reap i Kamboxhias është porta e kompleksit të tempullit Angkor Wat. Tempujt u ndërtuan midis shekujve 9 dhe 15, duke kombinuar të dyja ndikimet hinduiste dhe budiste, të cilët konkretisht janë monumenti më i vjetër fetar në botë. Lindja dhe perëndimi i diellit e bën këtë vend kaq interesant për turistët.
Bali, Indonezi
Ishulli i qetë e piktoresk në Bali, i ofron udhëtarëve një përvojë të mrekullueshme. Midis tempujve të qetë indian mund të përmenden plazhet e mrekullueshme me rërën e bardhë, dhe kjo e bën që Bali të jetë një nga destinacionet më të dashura turistike në botë. Udhëtoni në Maj në mënyrë që të shmangni ndonjë nga kapriçot e motit.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.