“80 mld euro në 6 vite”- Si mund të përfitojnë bizneset nga fondet e BE?
Shqipëria mbetet pas vendeve të rajonit, si Serbia dhe Maqedonia për thithjen e investimeve për ndërmarrjet e vogla dhe të mesme në bashkëpunim me botën akademike, në programin më të madh kërkimor në botë, me rreth 80 miliardë euro në gjashtë vite.
Edhe pse në dy vitet e fundit ka pasur një rritje të pjesëmarrjes së SME-ve në programet e Bashkimit Evropian “COSME” dhe “Horizont 2020”, cilësia e aplikantëve i ka përjashtuar nga përfitimi i granteve. Në emër të ministrisë së Arsimit, Geron Kamberi foli për organizatat që kanë përfituar nga fondet e Bashkimit Europian.
Nga ana e tyre, përfaqësues nga Ministria e Zhvillimit Ekonomik, Turizmit, Tregtisë dhe Sipërmarrjes shpjeguan se si bizneset mund të aplikojnë online dhe se afati i fundit kohor për të përfituar nga fondet e BE-së është data 30 shtator 2020.
Në programet e Bashkimit Europian “COSME” dhe “Horizont 2020” ka pasur rreth 76 mijë aplikime nga të cilat 9 mijë kompani ka përfituar fonde deri në 16 miliardë euro. Nga këto programe kanë përfituar shumë biznese dhe 38 për qind e organizatave që kanë marrë fonde kanë aplikuar për herë të parë.
Florenc Drizari/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.