82 raste të reja me Covid – Shtohen vatrat në gjithë vendin, ndërron jetë një tjetër pacient
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 364 qytetarë ku kanë rezultuar pozitiv 82 raste të reja, duke e çuar në 1672 numrin total të të infektuarve në të gjithë vendin.
Rastet e reja janë përkatësisht: 28 raste në Tiranë,18 raste në Shkodër, 10 raste në Krujë, 8 raste në Durrës,7 raste në Vlorë, 3 raste në Kamëz, nga 2 raste në Kukës, Elbasan dhe Fier si dhe nga 1 rast në Korçë dhe Pukë.
Ministria e Shëndetësisë ka bërë me dije se gjatë 24 orëve të fundit ka ndërruar jetë një pacient 68 vjeçar nga Puka.
Aktualisht në dy spitalet Covid janë të shtruar 50 pacientë ku 8 prej tyre janë në terapi intensive dhe 2 pacient janë në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 9 pacientë, duke e çuar në 1064 numrin total të tyre dhe ka akoma dhe 571 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.