85% e restoranteve të pavarura drejt falimentimit – Industria me vështirësi afatgjata në SHBA

Rreth 85% e restoranteve të pavarur mund të shkojnë drejt falimentimit deri në fund të vitit, sipas një raporti të ri të kryer nga Koalicioni i Pavarur i Restoranteve në SHBA.

Raporti, i cili u krye nga kompania këshilluese Compass Lexecon, përshkruan kërcënimet me të cilat përballen restorante të pavarura pasi pandemia vazhdon të ndikojë në biznes. Megjithëse industria e restoranteve në tërësi ka pësuar humbje të mëdha, restorantet familjare janë shumë më të rrezikuara sesa zinxhirët e ushqimit të shpejtë si McDonald’s dhe Starbucks.

Restorantet familjare, të cilat përbëjnë 70% të të gjithë restoranteve, mbështeten shumë më tepër në të ardhurat nga darkimet familjare. Ato nuk kanë burimet e korporatave që i bëjnë disa zinxhirë kaq elastikë përballë katastrofës.

“Ajo që kam frikë është se restorantet që kanë më pak gjasa të mbijetojnë do të jenë ato të voglta, të drejtuar nga emigrantët, sipërmarrje të drejtuara nga gratë, etj. Ne nuk kemi infrastrukturë si restorantet zinxhir për të mbijetuar në këtë pandemi,” tha Dan Wu, pronari i Atomic Ramen në Lexington, Kentucky.

Pronarët e restoranteve thonë se ndërsa Programi i Mbrojtjes së Paycheck ka siguruar lehtësim të menjëhershëm për shumë restorante të pavarura, është një ndihmë e përkohshme për problemet e tyre afatgjata.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.