85 raste të reja me Covid – Humbin jetën 4 pacientë mes tyre edhe një 21 vjeçare
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 361 qytetarë ku kanë rezultuar pozitiv 85 raste të reja.
Rastet e reja janë përkatësisht: 44 raste në Tiranë, 6 raste në Shkodër, Krujë, Vlorë, 5 raste në Tropojë, 3 raste në Elbasan, nga 2 raste në Durrës, Kurbin, Lezhë, Mirditë, Kolonjë, dhe nga 1 rast në Has, Berat, Kamëz, Pogradec, Ura Vajgurore
Aktualisht në dy spitalet Covid janë të shtruar 88 pacientë ku 12 prej tyre janë në terapi intensive dhe 4 në intubim, ndërsa rastet e tjera po monitorohen nga mjeku i familjes.
Ministria e Shëndetësisë ka njoftuar se gjatë 24 orëve të fundit kanë ndërruar jetë 4 pacientë të moshës 21, 49, 56 dhe 67 vjeç, si pasojë e sëmundjeve shoqëruese.
Gjatë 24 orëve të fundit janë shëruar 29 pacientë duke e çuar numrin total të të shëruarve në 2091, dhe ka akoma 1560 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.