+ 9 të prekur/ MSH: Prej 7 ditësh, numri i të shëruarve më i madh se i të sëmurëve. Por Kurbini është vatra e re. 220 të infektuar aktivë
Në 24 orët e fundit në Shqipëri janë konfirmuar 9 raste pozitive me COVID-19 nga 231 analiza që janë kryer. Në Kurbin ku rastet e para u konfirmuan një ditë më parë, kanë rezultuar edhe 5 raste të reja. Po ashtu, në Kukës janë dy raste të reja ndërsa në Tiranë e Fier nga 1 rast i ri.
Sipas zëvëndësministres së Shëndetësisë Mira Rakacolli, prej 7 ditësh Shqipëria ka një tendencë pozitive ku numri i të shëruarve është më i lartë se i personave të rinj që konfirmohen me COVID. Në daljen për mediat,Rakacolli tha se në Shqipëri janë testuar total 5311 persona të dyshuar dhe kanë rezultuar pozitivë 548 raste, pra 10% e të gjithë të testuarve.
Kjo shifër, sipas zëvëndësministres, tregon për një kontrol shumë të mirë të epidemisë dhe për një numër të mjaftueshëm analizash për të testuar situatën. Në 24 orët e fundit janë shëruar dhe 19 pacientë të tjerë duke e çuar në 302 numrin e të shëruarve.
Aktualisht në vendin tonë janë 220 të infektuar aktivë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.