93% e shqiptarëve duan integrimin në BE, Soreca: “Integrimi do të ndryshojë vendin dhe jetën e qytetarëve”
Duke folur në hapje të shkollës së Integrimit Europian për këtë vit, ambasadori I Bashkimit europian Luixhi Soreka edhe njëherë ka theksuar se procesi i integrimit është shumë i rëndësishëm, dhe kjo jo vetëm me fjalë por mjafton të shikohen shtetet që janë bërë pjesë, dhe kanë ndryshuar totalisht jetën e qytetarëve.
”Çdo kush duhet të investojë për dialog politik, për integrimin. Nëse ka një element që njohim që partitë bashkohen është integrimi, pasi 93% e shqiptarëve duan integrim europian. Procesi i aksesit do të kërkojë më shumë kapacitete teknike në shoqëri për dialog. Europa do të jetë më afër nëse negociatat nisin, dy gjëra janë kryesore, vullneti politik, kompeticion i ideve dhe gjetja e zgjidhjeve. Qytetarët shqiptarë duan zgjidhje.
Në dy javët e ardhshme do të dëgjoni shumë terma teknikë, kini durim. Mos harroni që në thelb është ndryshimi i jetës së shqiptarëve për mirë, çdo vend që ka hyrë në BE e ka provuar. Do e ndryshojë këtë vend komplet. S’ka tjetër rrugë për Shqipërinë. Shqipëria i ka vendosur të gjitha fuqitë për këtë.”- u shpreh Soreca.
Këtë vit shkolla e integrimit do të zhvillohet online, për shkak të pandemisë.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.