A do të detyrojë Franca vaksinimin? – Macron: Ekziston mundësia. Por me 90% të vaksinuar, nuk do të jetë nevoja

Presidenti francez, Emmanuel Macron, tha se është e mundur që vaksinat e Covid-19 do të bëhen të detyrueshme me kalimin e kohës në Francë, por shtoi se nuk është prioriteti për momentin. Ashtu si vendet fqinje europiane dhe shtete të tjera në botë, Franca po has vështirësi për të përmbajtur rritjen e rasteve.  Mesatarja 7-ditore në francë të infeksioneve të reja ndodhet në nivelin më të lartë që prej Nëntorit 2020. Ndërsa pyetej në një intervistë nëse vaksinimi i Covid-19 mund të bëhet i detyrueshëm në Francë, Macron tha se “ekziston mundësia”.  Megjithatë, presidenti shtoi menjëherë se franca në praktikë, është pranë atij niveli. Me thuajse 90% të njerëzve të përshtatshëm në Francë që janë vaksinuar, Francan uk është shumë larg nivelit të vaksinimit që do arrihej duke i bërë vaksinat e detyrueshme, sipas Macron.

“Kjo mundësi ekziston, patjetër. Ne jemi thuajse në atë pikë. Po e them përsëri, ndërsa kemi vaksinuar 90% të njerëzve që janë në moshë të për t’u vaksinuar dhe janë të përshtatshëm, ne nuk jemi shumë larg atij momenti, u shpreh Macron.

Macron, që po përballet me sfida të mëdha nga opozita përpara se të fitojë një mandat të dytë, tha se është i përulur ndaj pandemisë dhe gabimeve të tij, ndërkohë që ka krijuar mësime nga të dyja.    Fjalimet e tija tejet kritikuese dhe  qasja shumë hierarkike ndaj pushtetit, kanë shqetësuar shumë votues, duke ndikuar tek populariteti i Macron. Kjo mund të jetë një pengesë e madhe ndaj fitores së një mandati të dytë.  Për t’u rizgjedhur, ai duhet gjithashtu t’i bëjë ballë sfidave nga rivalja konservatore, Valerie Pecresse, për të cilën sondazhet e fundit kanë treguar se ka mundësi të arrijë në raundin e dytë, e mbase edhe ta mposhtë Macron.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.