A do të jetë ky viti i kompanisë së parë 1 trilion dollarëshe? Ja pretendentët për rekordin
Sido që ta marrin, 100 miliardë dollarë janë një shumë jashtëzakonisht e madhe parash. Megjithatë, për një kompani në madhësinë e Apple, është thjesht një pjesë e vogël e vlerës së saj aktuale të tregut prej 900 miliardë dollarësh.
Duke marrë parasysh trajektoren aktuale të kompanisë, duket se prodhuesi i iPhone ka shanset më të mira për t’u bërë kompania e parë e listuar në bursë që arrin vlerësimin e 1 trilion dollarëve. Kjo për Apple pritet të ndodhë këtë vit, por ka edhe konkurrentë të tjerë që kanë një mundësi.
Ndërk kompanitë e tjera që mund ta arrijnë një vlerësim të tillë përfshihen gjigandët e teknologjisë si kompania e shitjeve online Amazon dhe Alphabet, kompania mëmë e Google.
Por në horizont është edhe një konkurrent tjetër shumë i fortë, i cili nuk ka të bëjë me teknologjinë. Bëhet fjalë për kompaninë shtetërore të naftës në Arabinë Saudite, “Saudi Aramco”, e cila po përgatitet të bëjë debutimin e saj në bursa.
Aramco synon një vlerësim fillestar prej 1 deri në 2 trilion dollarësh, çka mund të bëjë që ajo ta vendosë këtë rekord që ditën e parë në tregjet ndërkombëtare.
Debutimi është caktuar më vonë gjatë 2018-ës dhe kompania do të lancohet në bursën saudite, por pritet të ketë gjithashtu një prezencë në New York, Londër dhe Hong Kong.
A.H./SCAN
Markat më të fuqishme të çdo shteti për vitin 2018 – Si paraqitet madhësia e vendeve sipas peshës që zënë
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.