A do të ketë një “PO” për Shqipërinë në fund të shtatorit nga Gjermania? Sipas deputetit gjerman, po shtohen gjasat për një “PO, me kushte”
Gjermanja “Deutsche Welle” analizon tonet e takimit mesë kryeministrit shqiptar Edi Rama dhe kancelares gjermane Angela Merkel duke sinjalizuar se mund të ketë një përgjgije pozitive për çeljen e negociatave për anëtarësimin e Shqipërisë në Bashkimin Europian.
Në artikullin kushtuar takimit evidentohet se socialdemokratët dhe të gjelbrit, e kanë shprehur qysh herët qëndrimin e tyre pro çeljes së negociatave ndërsa socialdemokrati Christian Petry, i tha “Deutsche Welles”, se partia e tij është duke finalizuar kompromisin me kristiandemokratët dhe kristiansocialët. Sipas Petryt “po shtohen gjasat që në datat 26 ose 27 shtator të votojmë për një “Po, me kushte”.
Po ashtu, në artikull evidentohet se “nga qarqet e CDU/CSU-së gjithashtu mësohet se dëshira e kancelares Angela Merkel, e cila e thekson vazhdimisht rëndësinë strategjike të Ballkanit Perëndimor, është që Shqipëria dhe Maqedonia e Veriut të hyjnë së toku në procesin çeljes së negociatave”.
“Shanset duken të mira që kancelarja kësaj radhe t’ua mbushë mendjen edhe kolegëve më skeptikë të saj që ta shohin Shqipërinë me sy më pozitiv dhe të japin “po”-në e premtuar qysh në qershorin e vitit 2018” mbyllet artikulli.
Artikulli i plotë: https://www.dw.com/sq/rama-te-deputet%C3%ABt-gjerman%C3%AB/a-50420307
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.