A do të ndryshojë moti gjatë këtyre ditëve?! – SHMU publikon parashikimin për të gjithë vendin!
Shërbimi Meteorologjik Ushtarak njofton se dita e mërkurë do të ketë një përmirësim të përkohshëm të kushteve atmosferike ndërsa moti parashikohet i kthjellët me vranësira të pakta kalimtare si dhe shtim të tyre përsëri gjatë mbrëmjes, shoqëruar me reshje shiu me intensitet të ulët.
SHMU informon se për shkak të kthjellimit parashikohet rënie e temperaturave në mëngjes duke prekur vlerat nga -5 deri në 5°C në relievet malore, 0°C deri në 13°C në ato të ulta si dhe 2°C deri në 14°C në ato bregdetare. Për shkak të temperaturave negative problematike do të bëhen ngricat përgjatë rrugëve kryesisht në zonat malore.
Sipas njoftimit kushtet atmosferike të paqëndrueshme dhe të rënduara do të kthehen përsëri ditën e Enjte Kur moti parashikohet me vranësira të dendura si dhe reshje shiu të vazhdueshme me intensitet mesatar dhe gjithashtu hera-herës dhe në periudha jo afatgjata reshjet e shiut fitojnë intensitet deri të lartë në formën e rrebesheve dhe stuhive shoqëruar me shkarkesa elektrike.
Sipas informacionit të publikuar në relievet malore në lartësitë mbi 300 metër në veri dhe mbi 800 metër në juglindje parashikohen reshje të dendura dëbore madje edhe në formën e stuhive të dëborës dhe kjo situatë do të shoqërohet edhe me erë të vrullshme në zonat luginore dhe bregdet me drejtim kryesor nga kuadrati I jugut dhe shpejtësi që arrijnë deri në 12-17m/s shoqëruar me dallgëzim të lartë të shkallës 5-6 ballë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.