A do të prishet kontrata për koncesionin e Rinasit? Balluku: Hapat që do të ndërmarrim!
Ministrja e Infrastrukturës dhe Energjisë Belinda Balluku paralajmëron ndrëhyrje të forta në aeroportin e Rinasit, pas ngjarjes së ndodhur dy ditë më parë ku u grabitën paratë që do të transportoheshin jashtë vendit.
Në konferencën për mediat, Balluku tha se tashmë nuk ka asnjë mundësi diskutimi me administratorët lokalë të aeroportit dhe se bisedimet për hapat e mëtejshëm do të zhvillohen me drejtuesit e kompanisë koncesionare në qendër.
Balluku tha se do të ketë një serë ndërhyrjesh për garantimin e sigurisë së aeroportit dhe gjithashtu edhe në drejtim të cilësisë.
Sa i përket pyetjes nëse do të ketë një hap të njëanshëm për të prishur kontratën, Balluku shpjegoi se për këtë hap ka një serë pengesash për faktin se në këtë rast kemi të bëjmë jo vetëm me kontratën por edhe me rregulla ndërkombëtare.
Megjithatë, ajo paralajmëroi se ndërhyrjet do të jenë në fokus detyrimin e kompanisë për përmbushjen e standarteve të sigurisë dhe të shërbimit.
ERTV Live😊: Ministrja e Infrastrukturës dhe Energjisë, Belinda Balluku, deklaratë për shtyp mbi shkaqet dhe masat pas aktit kriminal në aeroportin "Nënë Tereza"
Posted by Edi Rama on Thursday, April 11, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.