A do të shënojë fundin e koronavirusit ardhja e pranverës dhe verës?
A do të shënojë fundin e koronavirusit të ri kinez ardhja e pranverës dhe verës? Disa ekspertë hipotetizojnë që është e mundur. Madje edhe disa politikanë, si Presidenti i Shteteve të Bashkuara të Amerikës Donald Trump, po e deklarojnë me zë të lartë.
Por e vërteta është se, thjesht nuk mund ta dijmë; viruset nuk kanë një sjellje kaq të parashikueshme dhe të mbështeturit në shpresa false mund të shkojë në disfavorin tonë.
Megjithatë, duhet thënë se disa viruse të frymëmarrjes kanë një ecuri stinore dhe rritja e temperaturave bën që ato të përhapen më pak. Kjo mund të varet nga ndërveprimi mes patogjenëve dhe kushteve atmoferike.
Gjatë dimrit, viruset janë më të prirura që të na prekin edhe për faktin se sistemi ynë imunitar është më i dobët dhe i mungon më shumë vitamina D. Ose nga fakti që kur bën ftohtë kemi tendencën që të frekuentojmë vende të mbyllura dhe të populluara ndërsa verës kalojmë më shumë kohë në ambiente të hapura.
Ndër të tjera, shkollat janë të mbyllura dhe rreziku i përhapjes mes fëmijëve është më i ulët.
Burimi Focus/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.