A duhet konsumuar pjepri që shitet në tregjet e vendit? Shpjegimi i AKU dhe paralajmërimi për besueshmërinë e pajisjes “Green Test”
Pas publikimit në media të shqetësimit lidhur me nivelin e lartë të nitrateve te pjepri që tregtohet dhe konsumohet në vend ka reaguar edhe Autoriteti Kombëtar i Ushqimit. AKU informon se në këtë rast nuk ka vend për alarm.
“Gjatë këtij viti kemi thuajse pesëfishuar eksportet tona në vendet e BE dhe jo vetëm, si dhe nuk kemi asnjë ngarkesë fruta-perimesh të kthyer mbrapsht në vendin tonë për arsye të nivelit mbi normën e lejuar të mbetjeve (nitrateve) në këto produkte (konkretisht pjepër)” shkruhet në njoftimin e AKU.
Më tej, AKU sqaron se pajisja “Green Test” që po përdoret për të matur nivelet e nitrateve nuk është i destinuar për efekt kontrolli zyrtar dhe se nuk paraqet besueshmëri në matje.
Më tej, AKU sqaron se në lidhje me nivelin maksimal të lejuar të nitrateve në produktet ushqimore, inspektorët e AKU, gjatë kontrolleve zyrtare marrin mostra për analizimin e këtyre produkteve duke ju referuar legjislacionit dhe akteve rregullatore në fuqi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.