A duhet të karantinohet Trump? Dilema në SHBA: Ai dhe Zv. Presidenti kanë pasur kontakte me njerëz pozitiv me Covid-19 / Rregullorja zyrtare thotë që ato duhet të karantinohen

Koronavirusi ka mbërritur në Shtëpinë e Bardhë këtë javë. Sekretari i shtypit i Zëvendës Presidentit Mike Pence, Katie Miller, rezultoi pozitive për virusin të premten. Përveçse është një nga ndihmësit e Pence, Miller është edhe gruaja e Stephen Miller, e cila është një nga këshilltarët e vjetër të Trump dhe bashkëpunon ngushtë me Presidentin. Por Miller nuk është as e infektuara e vetme në Shtëpinë e Bardhë.

Të enjten, CNN raportoi se një nga shërbëtorët e Trump, i cili merret me pijet e Presidentit, kishte testuar gjithashtu pozitiv për COVID-19. Të paktën 11 anëtarë të shërbimit sekret janë gjithashtu të sëmurë me koronavirusin, dhe 60 të tjerë janë vetë-karantinuar, sipas Yahoo News. Ndihmësi personal i Ivanka Trump gjithashtu raportohet se ka virusin.

Zv. Presidenti Pence dhe Presidenti Trump tani po testohen çdo ditë për koronavirusin dhe kanë rezultuar negativë deri të premten. Por udhëzimet e vetë ë Shtëpisë së Bardhë i bëjnë thirrje njerëzve që janë ekspozuar me COVID-19 të qëndrojnë në shtëpi, dhe larg nga të tjerët për 14 ditë, edhe nëse nuk janë të sëmurë.

Koronavirusi është shumë ngjitës dhe mund të përhapet lehtësisht midis personave që nuk shfaqin simptoma, kjo është arsyeja pse është e rëndësishme që njerëzit të qëndrojnë në shtëpi kur ata janë ekspozuar ndaj një personi të sëmurë, edhe nëse nuk ndjehen të sëmurë.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.